February - 9

January 31, 2018  Daily Islamic Message (DISM)  

Aaj Ki Hadees
Hazrat Ayesha Raziyallahu Anha riwaayat karti hain ke Nabi Kareem ﷺ ne irshaad farmaaya: Jis mayyat par musalmaanon ki ek badi jama'at Namaaz padhe jinki tadaaad sau (100) tak pahunch jaye aur wo sab Allah Ta'ala se mayyat ke liye sifaarish karein, yani maghfirat wa rehmat ki dua karein to unki sifaarish zaroor qubool hogi. (Muslim: 2198)
Share on: Email | Telegram | WhatsApp

February - 8

January 31, 2018  Daily Islamic Message (DISM)  

Aaj Ki Hadees
Hazrat Muhammad Bin Amr Bin Hazm Raziyallahu Anhu riwaayat karte hain ke Nabi Kareem ﷺ ne irshaad farmaaya: Jo Momin apne kisi Momin bhai ki musibat mein use sabr wa sukoon ki talqeen karega, Allah Ta'ala Qayamat ke din use izzat ka libaas pehnaayeingey. (Ibne Maajah: 1601)
Share on: Email | Telegram | WhatsApp

February - 7

January 31, 2018  Daily Islamic Message (DISM)  

Aaj Ki Hadees
Hazrat Abdullah Raziyallahu Anhu riwaayat karte hain ke Nabi Kareem ﷺ ne irshaad farmaaya: Jo shakhs kisi musibat zada ko tasalli deta hai, to usko musibat zada ki tarah sawaab milta hai. (Tirmizi: 1073)
Share on: Email | Telegram | WhatsApp

February - 6

January 31, 2018  Daily Islamic Message (DISM)  

Aaj Ki Hadees
Hazrat Abu Moosa Ashari Raziyallahu Anhu riwaayat karte hain ke Rasulullah ﷺ ne irshaad farmaaya: Teen qism ke logon ka Ikraam karna Allah Ta'ala ki ta'zeem karne mein shaamil hai. Ek budha musalmaan, dusra wo Hafiz-e-Quran, jo aitedaal par rahe, teesra insaaf karne waala haakim. (Abu Dawud: 4843)

Faida: Aitedaal par rehne ka matlab ye hai ke Quran-e-Shareef ki tilaawat ka ehtemaam bhi kare aur riyaakaron ki tarah tajweed aur hurf ki adayegi mein tajawuz na kare.
Share on: Email | Telegram | WhatsApp

February - 5

January 31, 2018  Daily Islamic Message (DISM)  

Aaj Ki Hadees
Hazrat Abu Hurairah Raziyallahu Anhu se riwaayat hai ke Rasulullah ﷺ ne irshaad farmaaya: Ek momin dusre Momin ka aaina hai aur ek Momin dusre momin ka bhai hai, uske nuqsaan ko usse rokta hai aur uski har taraf se hifaazat karta hai. (Abu Dawud: 4918)
Share on: Email | Telegram | WhatsApp

February - 4

January 31, 2018  Daily Islamic Message (DISM)  

Aaj Ki Hadees
Hazrat Abu Hurairah Raziyallahu Anhu se riwaayat hai ke Rasulullah ﷺ ne irshaad farmaaya: Momin wo hai jis se log apni jaan aur maal ke baare mein aman mein rahein. (Nisai: 4998)
Share on: Email | Telegram | WhatsApp

February - 3

January 29, 2018  Daily Islamic Message (DISM)  

Aaj Ki Hadees
Hazrat Ayesha Raziyallahu Anha riwaayat karti hain ke Rasulullah ﷺ ne irshaad farmaaya: Naik logon ki laghzishon ko mu'af kardiya karo, albatta agar wo koi aisa gunaah karein jis ki wajah se unpar had jaari hoti ho wo mu'af nahin ki jayegi. (Abu Dawud: 4375)
Share on: Email | Telegram | WhatsApp

February - 1

January 29, 2018  Daily Islamic Message (DISM)  

Aaj Ki Hadees
Hazrat Abu Zar Raziyallahu Anhu riwaayat karte hain ke Rasulullah ﷺ ne irshaad farmaaya: Sabse afzal amal Allah Ta'ala ke liye kisi se mohabbat karna aur Allah Ta'ala ke liye kisi se dushmani karna hai. (Abu Dawud: 4599)
Share on: Email | Telegram | WhatsApp

February - 1

January 29, 2018  Daily Islamic Message (DISM)  

Aaj Ki Hadees
Hazrat Abu Qatadah Raziyallahu Anhu farmaate hain ke Rasulullah ﷺ ko irshaad farmaate hue suna: Jo shakhs ye chahta hai ke Allah Ta'ala usko Qayamat ke din ki takleefon se bachale, to usko chahiye ke tangdast ko (jis par uska qarz waghaira ho) mohlat de de ya (apna poora mutaalba ya uska kuch hissa) mu'af karde. (Muslim: 4000)
Share on: Email | Telegram | WhatsApp

Qabar Par Mitti Daalte Waqt Ki Dua

January 11, 2018  Daily Islamic Message (DISM)  

Play/Download
Length: 00:26
Media Type: Video (Mp4)
Share on: Telegram | WhatsApp

January - 31

January 10, 2018  Daily Islamic Message (DISM)  

Aaj Ki Hadees
Hazrat Jabir Bin Abdullah Raziyallahu Anhuma riwaayat karte hain ke Rasulullah ﷺ ne irshaad farmaaya: Jab koi shakhs apni koi baat kahe aur phir idhar udhar dekhe to wo baat amaanat hai. (Abu Dawud: 4868)
Share on: Email | Telegram | WhatsApp

January - 30

January 10, 2018  Daily Islamic Message (DISM)  

Aaj Ki Hadees
Hazrat Abu Hurairah Raziyallahu Anhu riwaayat karte hain ke Rasulullah ﷺ ne irshaad farmaaya: Jis se kisi muaamle mein mashwara kiya jaye us muaamle mein us par bharosa kiya gaya hai (lihaaza use chahiye ki mashwara lene waale ka raaz zaahir na kare aur wahi mashwara de jo mashwara lene waale ke liye zyaada mufeed ho). (Tirmizi: 2822)
Share on: Email | Telegram | WhatsApp

January - 29

January 10, 2018  Daily Islamic Message (DISM)  

Aaj Ki Hadees
Hazrat Abdullah Bin Masud Raziyallahu Anhu se riwaayat hai ke Rasulullah ﷺ ne irshaad farmaaya: Jo shakhs apni qaum ki nahaq madad karta hai wo us ount ki tarah hai jo kisi kunwe mein gir gaya ho aur usko dum se pakad kar nikaala jaa raha ho. (Abu Dawud: 5117)

Faida: Matlab ye hai ke jis tarah kunwe mein gire hue ount ko dum se pakad kar nikaalne ki koshish karna apne aapko befaida mushaqqat mein daalna hai, kyunke is tareeqe se ount ko kunwe se nahi nikala jaasakta isi tarah qaum ki nahaq madad karna bhi befaida hai, kyunke is tareeqe se qaum ko sahi raaste par nahin daala jaasakta. (Bazl-ul-Majhud)
Share on: Email | Telegram | WhatsApp

January - 28

January 10, 2018  Daily Islamic Message (DISM)  

Aaj Ki Hadees
Hazrat Abu Musa Raziyallahu Anhu riwaayat karte hain ke Sahaba Raziyallahu Anhum ne arz kiya: Ya Rasulullah kaun se musalmaan ka Islam afzal hai? Irshaad farmaaya: Jis (musalmaan) ki zubaan aur haath se dusre musalmaan mehfooz rahein. (Bukhari: 11)

Faida: Zuban se takleef pahunchane mein kisi ka mazaaq udana, tohmat lagana, bura bhala kehna aur haath se takleef pahunchane mein kisi ko nahaq maarna, kisi ka maal zulman lena waghaira umoor shaamil hain. (Fath-ul-Bari)
Share on: Email | Telegram | WhatsApp

January - 27

January 10, 2018  Daily Islamic Message (DISM)  

Aaj Ki Hadees
Hazrat Abdullah Bin Amr Raziyallahu Anhuma se riwaayat hai ke Nabi Kareem ﷺ ne irshaad farmaaya: Musalmaan wo hai jiski zubaan aur haath se musalmaan mehfooz rahein. Aur Muhajir (yani chordne waala) wo hai jo un tamaam kaamon ko chord de, jisse Allah Ta'ala ne roka hai. (Bukhari: 10)
Share on: Email | Telegram | WhatsApp

January - 26

January 10, 2018  Daily Islamic Message (DISM)  

Aaj Ki Hadees
Hazrat Abu Hurairah Raziyallahu Anhu se riwaayat hai Rasulullah ﷺ ne irshaad farmaaya: Wo shakhs jannat mein daakhil na ho sakega jiski shararaton se uska padosi mehfooz na ho. (Muslim: 172)
Share on: Email | Telegram | WhatsApp

January - 25

January 10, 2018  Daily Islamic Message (DISM)  

Aaj Ki Hadees
Hazrat Ayesha Raziyallahu Anha se riwaayat hai Ke ek dehaat ke rehne waale shakhs Nabi Kareem ﷺ ki khidmat mein haazir hue aur kaha ke tum log bachchon ko pyaar karte ho ? hum to inko pyaar nahin karte. Nabi Kareem ﷺ ne irshaad farmaaya: Agar Allah Ta'ala ne tumhare dil se rehmat ka ma'adda nikaal diya hai to isme mera kya ikhtiyaar hai. (Bukhari: 5998)
Share on: Email | Telegram | WhatsApp

January - 24

January 10, 2018  Daily Islamic Message (DISM)  

Aaj Ki Hadees
Hazrat Ayyub Rahimahullah apne waalid se aur wo apne dada se riwaayat karte hain ke Rasulullah ﷺ ne irshaad farmaaya: Kisi baap ne apni aulaad ko achchhi taaleem wa tarbiyat se behtar koi tohfa nahin diya. (Tirmizi: 1952)
Share on: Email | Telegram | WhatsApp

January - 23

January 10, 2018  Daily Islamic Message (DISM)  

Aaj Ki Hadees
Hazrat Abu Sayeed Khudri Raziyallahu Anhu riwaayat karte hain ke Rasulullah ﷺ ne irshaad farmaaya: Jis shakhs ki teen betiyaan ya teen behnein hon ya do betiyaan ya do behnein hon aur wo unke saath achchha muaamla rakhe aur unke huqooq ke bare mein Allah Ta'ala se darta rahe to uske liye jannat hai. (Tirmizi: 1916)
Share on: Email | Telegram | WhatsApp

January - 22

January 10, 2018  Daily Islamic Message (DISM)  

Aaj Ki Hadees
Hazrat Abu Hurairah Raziyallahu Anhu riwaayat karte hain ke Rasulullah ﷺ ne irshaad farmaaya: Jisko hadiye ke taur par khushbu daar phool pesh kiya jaye to use chahiye ke wo ise rad na kare, kyunke wo bahut halki aur kam qeemat cheez hai aur uski khushbu bhi achchhi hoti hai. (Muslim: 5883)

Faida: Phool jaisi kam qeemat cheez ko qubool karne se agar inkaar kiya jaye to iska bhi andesha hai ke pesh karne waale ko khayaal ho ke meri cheez kam qeemat hone ki wajah se qubool nahi ki gayi aur isse uski dilshikni ho. (Maariful Hadees)
Share on: Email | Telegram | WhatsApp

January - 21

January 10, 2018  Daily Islamic Message (DISM)  

Aaj Ki Hadees
Hazrat Abu Hurairah Raziyallahu Anhu riwaayat karte hain ke Rasulullah ﷺ ne irshaad farmaaya: Jo shakhs logon ka shukar guzaar nahi hota, wo Allah Ta'ala ka bhi shukar adaa nahi karta. (Tirmizi: 1954)

Faida: Baaz shaarheen ne Hadees ka ye matlab bayan kiya hai ke jo ehsaan karne waale bandon ka shukar guzaar nahi hota wo na shukri ki is aadat ki wajah se Allah Ta'ala ka shukar guzaar bhi nahi hota.
Share on: Email | Telegram | WhatsApp

January - 20

January 09, 2018  Daily Islamic Message (DISM)  

Aaj Ki Hadees
Hazrat Sahl Raziyallahu Anhu riwaayat karte hain ke Rasulullah ﷺ ne irshaad farmaaya: Main aur yateem ki kifaalat karne waala jannat mein is tarah (qareeb) honge, Nabi Kareem ﷺ ne shahadat ki aur beech ki ungli se ishaara farmaaya aur un donon ke darmiyaan thodi si kushadgi rakhi. (Bukhari: 5304)
Share on: Email | Telegram | WhatsApp

January - 19

January 09, 2018  Daily Islamic Message (DISM)  

Aaj Ki Hadees
Hazrat Abdullah Bin Umar Raziyallahu Anhuma riwaayat karte hain ke Rasulullah ﷺ ne irshaad farmaaya: Mazdoor ka pasina khushk hone se pehle us ki mazdoori de diya karo. (Ibne Majah: 2443)
Share on: Email | Telegram | WhatsApp

January - 18

January 09, 2018  Daily Islamic Message (DISM)  

Aaj Ki Hadees
Hazrat Abu Hurairah Raziyallahu Anhu riwaayat karte hain ke Rasulullah ﷺ ne irshaad farmaaya: Momin mard ki ye shaan nahin ke apni momina biwi se bughz rakhe. Agar uski ek aadat use na pasand hogi to dusri pasandida bhi hogi. (Muslim: 3645)

Faida: Rasulullah ﷺ ne is Hadees-e-shareef mein husn-e-muasharat ke ek mukhtasar usool bata diya ke ek insaan mein agar koi buri aadat hai to us mein kuch khoobiyan bhi hongi, aisa kaun hoga jis mein koi burayi na ho ya koi khoobi na ho. Lihaaza buraiyon se chashm poshi ki jaye aur khoobiyon ko dekha jaye.
Share on: Email | Telegram | WhatsApp

January - 17

January 09, 2018  Daily Islamic Message (DISM)  

Aaj Ki Hadees
Hazrat Qais Bin Saad Raziyallahu Anhu se riwaayat hai ke Rasulullah ﷺ ne irshaad farmaaya: Agar main kisi ko kisi ke saamne sajda karne ka hukm deta, to aurton ko hukm deta ke wo apne shohron ko sajda karein us haq ki wajah se jo Allah Ta'ala ne unke shohron ka un par muqarrar farmaaya hai. (Abu Dawood: 2140)
Share on: Email | Telegram | WhatsApp

January - 16

January 09, 2018  Daily Islamic Message (DISM)  

Aaj Ki Hadees
Hazrat Umme Salamah Raziyallahu Anha riwaayat karti hain ke Rasulullah ﷺ ne irshaad farmaaya: Jis aurat ka is haal mein inteqaal ho ke uska shohar usse raazi ho to wo jannat mein jayegi. (Tirmizi: 1161)
Share on: Email | Telegram | WhatsApp

January - 15

January 09, 2018  Daily Islamic Message (DISM)  

Aaj Ki Hadees
Hazrat Safwan Bin Sulaimm Raziyallahu Anhu riwaayat karte hain ke Nabi Kareem ﷺ ne irshaad farmaya: Bewa aurat aur miskeen ki zarurat mein daudh dhoop karne waale ka sawaab Allah Ta'ala ke raaste mein jihaad karne waale ke sawaab ki tarah hai ya uska sawaab us shakhs ke sawaab ki tarah hai jo din ko roza rakhta ho aur raat bhar ibaadat karta ho. (Bukhari: 6006)
Share on: Email | Telegram | WhatsApp

January - 15

January 09, 2018  Daily Islamic Message (DISM)  

Aaj Ki Hadees
Hazrat Safwan Bin Sulaimm Raziyallahu Anhu riwaayat karte hain ke Nabi Kareem ﷺ ne irshaad farmaya: Bewa aurat aur miskeen ki zarurat mein daudh dhoop karne waale ka sawaab Allah Ta'ala ke raaste mein jihaad karne waale ke sawaab ki tarah hai ya uska sawaab us shakhs ke sawaab ki tarah hai jo din ko roza rakhta ho aur raat bhar ibaadat karta ho. (Bukhari: 6006)
Share on: Email | Telegram | WhatsApp

Tohfa-e-Nikaah Part - 82 Final Part

January 09, 2018  Daily Islamic Message (DISM)  

Apni Aulaad Ko Jahannam Se Bachaao

Maa baap ki yeh zimmedaari hai ke woh bachchon ko deeni taaleem dein, un ki behtareen tarbiyat karein, un ko Islaami akhlaaq wa aadaat sikhaayein, un ke aqaaid wa khayaalaat ko durust karein, unhein sunnat wa shari'at ke mutaabiq zindagi guzaarne ki targeeb dein, un ke andar aakhirat ki fikr paida karein, saat saal ki umr mein unhein namaaz padhne ki taakeed karein aur das saal ki umr ho jaaye, to namaaz na padhne par un par sakhti karein, taake woh qayaamat ke maidaan mein Allah ki pakad aur jahannam ke azaab se bach jaayein.

Qur'aane Kareem mein Allah Ta'ala farmaate hain: Aye Imaan Waalo ! apne aapku aur apne ghar waalon ko (Jahannam ki) aag se bachaao, jis ka eindhan Insaan aur patthar honge. (Sura e Tahreem: 6)

Hazrat Ali (RA) farmaate hain: Apne ghar waalon ko jahannam ki aag se bachaane ka matlab yeh hai ke un ki tarbiyat karo aur un ko taaleem do. (Tafseer ibne Kaseer: 8/167)

✺ Alhamdulillah Completed ✺

Share on: Telegram | WhatsApp

Tohfa-e-Nikaah Part - 81

January 09, 2018  Daily Islamic Message (DISM)  

Bahu Ki Khidmat Ki Qadr Karein

Nikaah ho jaane ke baad biwi apne maa baap, bhai bahen aur poora khaandaan chhod kar apne shohar ke ghar aati hai, is ghar mein us ke liye har shakhs ajnabi hota hai, ab use poori zindagi isi ghar mein guzaarna hai, pehle hi din se bahu yeh koshish karti hai ke mere shohar ke ghar ka har fard mujh se kis tarah khush ho jaaye aur mujhe bhi apne hi ghar ka fard samajhne lage, is ki khaatir woh apne shohar se lekar saas, khusr aur nand tak ki khidmat apni zimmedaari na hone ke bawajood dil o jaan se karti hai aur unhein apna banane ke liye har kaam ko behtar se behtar tareeqe par waqt se pehle anjaam dene ki bharpoor koshish karti hai, lihaaza ghar waalon ko chaahiye ke woh bahu ki is khidmat ki qadr karein aur us ka behtar se behtar badla dene ki koshish karein, us ki khidmat ki ta'areef karke us ka dil khush rakhein aur ghar ko khushgawaar banane ke Liye Rasoolullah ﷺ ne jin huqooq ki taaleem di hai, un par amal karke ghar ko aabaad karein.

Share on: Telegram | WhatsApp

Tohfa-e-Nikaah Part - 80

January 09, 2018  Daily Islamic Message (DISM)  

Miyaan Biwi Mein Naa Ittifaaqi Ho, To Aapas Mein Sulah Kar Lena Chaahiye

Miyaan biwi ki zindagi hamesha ek haalat par qaaim nahein rehti, balke us mein mukhtalif mod aur utaar chadhaao aate rehte hain, lihaaza aise mauqon par jahaan tak ho sake, donon ko ek doosre ka lihaaz karte huwe aapas hi mein samjhauta kar lena chaahiye aur donon ko khuda se darte huwe ek doosre ke huqooq ikhlaas aur aapasi khair khawaahi ke saath ada karte rehna chaahiye.

Qur'aan mein Allah Ta'ala farmaate hain: Aur agar kisi aurat ko apne shohar ki taraf se ziyaadti ya bezaari ka andesha ho, to un miyaan biwi ke liye is mein koi muzaaiqa nahein ke woh aapas ke ittifaaq se kisi qism ki sulah kar lein aur sulah kar lena behtar hai. (Sura-e-Nisa: 128)

Share on: Telegram | WhatsApp

Tohfa-e-Nikaah Part - 79

January 09, 2018  Daily Islamic Message (DISM)  

Miyaan Biwi Ke Darnniyaan Koi Doosra Shakhs Ikhtilaaf Paida Karne Ki Koshish Na kare

Bahot si martaba miyaan biwi ke darmiyaan jhagde ki koi aisi baat nahein hoti, jo un ke ta'alluqaat mein bigaad ka sabab bane, lekin kuch log un ke darmiyaan ghus kar galat fehmiyaan paida kar dete hain aur ek ki baat doosre tak pahoncha kar chugalkhori karte hain aur unhein ladaane ki koshish karte hain. Aakhir kaar un mein alaahidgi ho jaati hai, agar koi shakhs aisi harkat kare to miyaan biwi ko chaahiye ke woh aqalmandi ka muzaahira kerein aur us ki baaton ko koi ehmiyat na dein, balke un mein se jis ke paas woh chugalkhori karne aaye, to use chaahiye ke woh us ka munh band karde aur aainda ke liye un ke muaamlaat mein taang adaane se sakhti se mana kare, chugalkhori karne waaLa aur miyaan biwi ko ladaane waala aadmi shaitaan hota hai, use apne is bure kaam se tauba karni chaahiye.

Rasoolullah ﷺ ne chugalkhor ke baare mein yeh irshaad farmaaya: Chugal khor Jannat mein daakhil nahin hoga. (Muslim: 290)

Share on: Telegram | WhatsApp

Tohfa-e-Nikaah Part - 78

January 09, 2018  Daily Islamic Message (DISM)  

Nikaah Ke Liye Saal Ka Koi Bhi Maheena Manhoos Nahein Hai

Saal ke kisi bhi maheene mein shaadi karne mein koi harj nahein hai, awaam mein yeh baat mash'hoor ho gayi hai ke safar ke maheene mein nahoosat hai aur is maheene mein shaadi be barkati aur museebaton ka sabab hoti hai, haalaanke Islaam mein na koi maheena manhoos hai aur na hi kisi maheene mein shaadi karne se mana kiya gaya hai, safar ke maheene ko manhoos samajhna aur us se badshagooni lena durust nahein hai.

Hazrat Abu Huraira (RA) se riwaayat hai ke Rasoolullah ﷺ ne farmaaya: Bimaari khud ba khud ek doosre ko nahein lagti, bad shagooni ki koi haqeeqat nahein hai, na hi murdon par ullu bolte hain aur na hi safar ke maheene mein koi nahoosat hai. (Bukhari: 5707, Mafhum)

Share on: Telegram | WhatsApp

Tohfa-e-Nikaah Part - 77

January 09, 2018  Daily Islamic Message (DISM)  

Bachchon Ke Saath Shafqat Aur Muhabbat Ka Muaamla Karna Chaahiye

Waalidain ko chaahiye ke bachchon ke saath mil jul kar rahein, un ke saath shafqat aur muhabbat ka muaamla karein, baat baat par un ko na daantein, agar bachche koi galat kaam kar dein, unhein na maarein balke un ko pyaarwa muhabbat se samjhaayein, chhoti chhoti baat par daantne aur maarne se bachche ke andar chid chida pan aur gusse ki aadat paida ho jaati hai.

Ek martaba ek sahaabi Huzoor ﷺ ke paas aaye, us waqt Aap ﷺ Hazrat Hasan (RA) ko pyaar kar rahe the, un sahaabi ko yeh dekh kar ta'ajjub huwa, unhon ne kaha: ya Rasoolallah! Aap bhi bachchon ko pyaar karte hain, mere 10 bachche hain, lekin main ne to kabhi kisi ek ko bhi pyaar nahein kiya. Aap ﷺ ne un ki taraf nazar uthaayi aur farmaaya: Jo (doosron par) raham nahein karta, us par bhi raham nahein kiya jaata. (Bukhari: 5997, Abu Huraira (RA))

Share on: Telegram | WhatsApp